L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
Chista è moda
Chista è moda e s’ava fari
e s’è puru stravaganti,
lu sistema am’ a truvari
pì nun ridiri li genti.
S’è di moda iri a mari
o la simana bianca,
cu la teni a me’ mugghieri
ca la sira è sempri stanca?
S’ora è moda di viaggiari
e di farsi la crociera,
si nun hai comu pagari
s’è truvata la manera:
“ Ti rivolgi alla tua banca
che ti accoglie assai cortese,
metti firme a mano stanca,
paghi un anno per un mese “.
“ E’ di moda l’eleganza,
di vestire Valentino?
Metti in mostra la prestanza,
fatti fare un regalino.”
Nun c’è nenti cchiù di mali,
fari oggi chisti cosi:
c’è quarcosa ca ti vali
cchiù di chiddi c’hai misi ?
S’è di moda stari nudi,
sia la mamma ca la nora,
pigghi friscu e cchiù nun sudi
e la merci teni fora.
Si la testa nun ci reggi
a mutivu di ‘stu fattu,
va’ a tiniri tutti saggi…
e ci scappa l’approfittu!
E’ di moda di canciari
la parola cchiù nun cunta,
comu e quannu fa piaciri
comu fussi ‘na trapunta.
Nun ci sunnu cchiù valuri
pì la casa e la famigghia,
bastan pochi dissapuri
pì lassari casa e figghia.
Prima c’era lu bon sensu
da ‘sti cosi starni fori;
chistu dicu, e tantu pensu:
picchì è moda e s’ava fari.?
Nun è forsi sempri statu
a dal “ Si !“ s’è un tutt’unu ?
Nun tintamu lu Criatu,
accittamu ciò ch’ è sanu!
Ed è moda nu’ fari figghi
pì paura d’ingrassari,
cu’ ‘stu fari lassa e pigghi
li circamu d’impurtari.
Sunnu scerti a tò piaciri:
occhi blu e capiddu biunnu,
nun hai avutu alcun patìri
a purtarli a chistu munnu.
E’ di moda andare in fretta,
nun c’è tempu d’aspettari:
vogghiu chiddu ca mi spetta
senza tantu faticari.
Lu travagghiu nun s’addici
pì lu stomacu malatu,
nun ci sunnu cchiù radici
da cumprari a lu mircatu.
C’è la moda d’un mangiari
pì pua fari la modella:
fari grana ed appariri
tutta d’ossa, ma cchiù bella.
Li capiddi ogni simana,
chista è moda e s’ava fari,
e la danza brasiliana:
nun c’è tempu a travagghiari.
Chist’è cosa pì mariti,
comu a nui di fari festa,
di trattarni comu ziti
e grattarisi la testa.
Ci su tanti atri modi
ca nun staiu a raccuntari,
sunnu tutti ingannu e frodi
pì putirti ruvinari.
Si ragiuni cu la testa,
ch’è cchiù ata di lu pedi,
tu t’accurgi in modu lesta
ca su tutti in mala fedi.
Nun c’è moda a lu campari
ed occurri stari accortu,
di nu’ spingirti a strafari
si lu to’ passu è curtu.
N’atra cosa v’aia diri,
già ca sugnu di prisenza:
sunnu modi d’appariri
e ci manca la sustanza!
________________
Gioacchino Todaro
Iscriviti
ed inizia a pubblicare i tuoi contributi culturali
REPORTER
02/10/2006
‘ A CURSA DI LI SCECCHI
DIDACUS
06/07/2013
ITALIA IMMUTANDA EXAMINA
IACONA ROSANNA
28/07/2008
LI CUTUGNA
DIDACUS
12/12/2011
POST-WAR BOOM NATALICIA
REPORTER
02/12/2005
LE TRADIZIONI - VIII^ PARTE -
LENA COOK
21/10/2010
CAVATIEDDI E MACCARRÙNA
REPORTER
28/11/2005
LA VITA SOCIALE - VIII^ PARTE -
DIDACUS
03/12/2013
SHEPHERD’S BUSH, GIGI PALACE, MARKET
REPORTER
06/12/2005
DONNA JOLA
DIDACUS
16/03/2012
MARSYAS AND APOLLO
DIDACUS
14/05/2010
ES EL TIEMPO DE LA ROSA, ROMULE!
DIDACUS
21/04/2011
HOLY ALIAECONOMY
TODARO GIOACCHINO
10/03/2018
C`ERA UN PAESE
DIDACUS
26/02/2013
PANTANU, BUNGA BUNGA, CONTINUES
DIDACUS
01/09/2012
SEA FACING PRETTY RABAT COTTAGES
GUCCIONE DIEGO
05/11/2017
UGDULENA-PORTA ERCULEA TYMON
REPORTER
27/01/2009
LI DÙ GIMILLUZZI DI LERCARA